Procesi i zgjedhjes së presidentit është në fazën finale dhe do të bëhet në muajin shkurt, me një proces të rregullt dhe transparent. Zgjedhja e presidentit të ri do të fuqizojë dhe më tepër institucionet e vendit. Kështu pohoi ministri i Punëve të Jashtme Hashim Thaçi pas takimit me ministrin e jashtëm të Maltës.
Ai shtoi se SHBA-të mbështesin plotësisht institucionet e Kosovës e po ashtu dhe procesin e zgjedhjes së presidentit.
“SHBA mbështet procesin transparent të zgjedhjes së presidentit. Nuk mund të presim mbështetje te emrave të veçantë? Që është krejt normale. Nuk mund të presim prej asnjë shteti të ndërhyjë ne zgjedhjen e çështjeve tona të brendshme”,- deklaroi Thaçi.
Sipas tij, kjo çështje në kuptimin individual nuk është biseduar ndërsa shtoi se SHBA mbështet institucionet dhe procesin e zgjedhjes së presidentit.
“Mund të konfirmoj gjithashtu se ShBA dhe Brukseli e dinë mirë kush janë kandidatë për president të republikës së Kosovës”, pohoi Thaçi. /tesheshi.com/
