The Holme e Londrës është shtëpia më e shtrenjtë në botë aktualisht në shitje, shkruan Financial Times. Sipas njohurive të tyre, ajo po shitet për 300 milionë dollarë.
The Holme është një rezidencë 205-vjeçare në Regent’s Park, Londër. Ajo u hodh në treg pasi u mor nga një anëtar i familjes mbretërore saudite. Nëse arrin çmimin e kërkuar, do të bëhet prona më e shtrenjtë e shitur ndonjëherë në MB.
E ndërtuar në vitin 1818, ajo është shtëpia më e shtrenjtë në shitje aktualisht në botë. The Holme rrëzoi nga froni një apartament nën çati trekatëshe në Central Park të New York-ut, i cili u hodh në treg në shtator për 250 milionë dollarë.
Kjo vilë në Londër u ndërtua nga ndërtuesi James Burton që në vitin 1818. Fillimisht, familja e tij jetoi në të, dhe më pas vila u përdor për Kolegjin Bedford. Ajo u bë një rezidencë private në vitet 1980.
Rezidenca ka 40 dhoma gjumi dhe shtrihet në katër hektarë park pranë zemrës së Londrës. Përveç dhomave të shumta, ka tetë garazhe, një fushë tenisi, një sauna, një bibliotekë dhe një dhomë të madhe të jetesës.
Shumë e krahasojnë këtë rezidencë me Shtëpinë e Bardhë në Uashington për shkak të fasadës dhe madhësisë së saj. Holme po tërheq interesin e investitorëve të huaj, ashtu si shtëpitë e tjera në lagjet e shtrenjta të Londrës.
Konkretisht, 48 për qind e shtëpive në pjesët më të shtrenjta të Londrës në gjashtë muajt e parë të vitit 2022 u janë shitur blerësve të huaj. /tesheshi.com/
