Trupat e dy personave, një gruaje 77-vjeçare dhe një burri 55-vjeçar, u nxorën nga rrënojat e hotelit Saratoga në Havana të martën, duke e çuar numrin e viktimave nga rrjedhja e gazit në 42.
Sipas Ministrisë së Shëndetësisë vendase, nga shpërthimi i ndodhur mëngjesin e së premtes mbetën të plagosur 54 persona dhe 17 prej tyre janë ende në spital.
Hoteli Saratoga, një simbol i Havanës së vjetër, u mbyll për dy vjet për shkak pandemik dhe po përgatitej të rihapej për publikun këtë të martë, pas rinovimeve.
Katër katet e para të këtij hoteli me pesë yje u hodhën në erë nga një shpërthim prej një cisterne që furnizonte me gaz.
Nga 51 punonjësit që ishin aty në momentin e incidentit, 23 u vranë, tre u shtruan në spital dhe 22 u liruan nga spitali, tha Roberto Enrique Calzadilla, një i dërguar i kompanisë së udhëtimeve Gaviota, në një konferencë shtypi të martën.
Tre punonjës janë ende të listuar si të zhdukur, tha ai.
Saratoga ka pritur disa të famshëm në vitet e fundit, duke përfshirë Mick Jagger, Beyonce dhe Madonna. /tesheshi.com/
