Gjermania është vënë në alarm se zgjedhjet e ardhshme mund të dëmtohen, përmes ndërhyrjeve nga hakerët rusë. Dyshimet i kanë ngritur deputetët gjermanë, për proçesin zgjedhor që pritet të mbahet vitin e ardhshëm.
“Zgjedhjet gjermane janë në rrezik nga manipulimi i jashtëm”, tha Wolfgang Bosbach, një deputet në partinë e kancelares Angela Merkel CDU.
Kjo pasi, Rusia u fajësua për një sulm kibernetik në parlamentin gjerman gjatë vitit të kaluar.
Po ashtu, një zyrtar i sigurimit gjerman tha se me shumë gjasë dosjet sekrete të publikuara nga Wikileaks dy javë më parë e kanë origjinën nga një sulm kibernetik nga ana e rusëve.
Edhe në zgjedhjet presidenciale të SHBA janë ngitur dyshime dhe akuza se ka patur ndërhyrje kibernetike./tesheshi.com/
