Në një qytet ku vetëm muajin e shkuar janë vrarë disa persona e ku vendoset rregullisht eksploziv, policia merret me papaqët.
Bëhet fjalë për Shkodrën, kryeqendrën e krimit në vend, ku policia nuk ka zbuluar asnjë ngjarje të rëndë.
Por këto ditë, uniformat blu të Shkodrës kanë ndërrmarë një operacion ndaj drejtuesve të karrocave me motor, pikërisht ambulantëve që shesin mallrat e tyre, e ku jo thjesht iu është marrë mjeti i vetëm i punës. Ata edhe janë arrestuar dhe paditur në prokurori si të ishin kriminelë. Janë më shumë se 13 persona, të cilët përveç karrocës nuk kishin asgjë me të cilat mbajnë familjet.
Bashkia urdhëron policinë rrugore të bllokojë të gjithë ambulantët dhe Rrugorja jo vetëm i bllokon, por i dërgon të gjithë në prokurori, ku shumica e tyre janë romë e egjiptianë.
Ndodh kjo në qytetin verior ndërsa në prokurori nuk ka shkuar ende asnjë prej vrasjeve mafioze që kanë tronditur qytetin, e ku ndërkohë tregtarët i paguajnë gjobë mafia-s, ndërsa policia merret me…papaqët. /tesheshi.com/
