Teleskopi Hapësinor James Webb u nis me sukses nga Guiana Franceze të shtunën, duke hapur një epokë të re të eksplorimit të hapësirës.
Instrumenti revolucionar i NASA-s prej 9 miliardë dollarësh fluturoi në hapësirë me një raketë Ariane 5 nga baza e nisjes së Agjencisë Evropiane të Hapësirës. Nëse gjithçka shkon sipas planit, instrumenti 6,350 kg do të lëshohet nga raketa pas një fluturimi hapësinor 26-minutësh.
Teleskopi Webb do të marrë më pas një muaj për të arritur në destinacionin e tij në orbitën diellore rreth një milion e gjysmë kilometra nga Toka, që është rreth katër herë më larg nga Hëna.
Është teleskopi më i madh dhe më i fuqishëm në histori, i cili duhet të dërgojë informacione të reja për origjinën e universit dhe planetët tokësorë jashtë sistemit diellor.
Teleskopi Hapësinor James Webb (JWST), i quajtur sipas ish-drejtorit të agjencisë hapësinore amerikane NASA, është pasardhësi i legjendar Hubble. Agjencia Evropiane e Hapësirës (ESA) dhe homologu i saj kanadez (CSA) bashkëpunuan me NASA-n në hartimin e Webb.
We have LIFTOFF of the @NASAWebb Space Telescope!
At 7:20am ET (12:20 UTC), the beginning of a new, exciting decade of science climbed to the sky. Webb’s mission to #UnfoldTheUniverse will change our understanding of space as we know it. pic.twitter.com/Al8Wi5c0K6
— NASA (@NASA) December 25, 2021
Webb u bë në Shtetet e Bashkuara dhe këtë vit u transportua në vendin e lëshimit në Guiana Franceze.
Qëllimi përfundimtar i Webb është të zbulojë nëse Toka është e vetmja apo nëse ka planetë të ngjashëm ku mund të mbijë jeta.
Orbita e tij rreth Diellit do të jetë 1.5 milion kilometra nga Toka.
Projekti Webb filloi në vitin 1989 dhe fillimisht ishte planifikuar të fillonte punën në fund të shekullit. /tesheshi.com/
