Organizata Botërore e Shëndetit (OBSH) tha se bota është “e lumtur” që ekzistojnë një mori vaksinash eksperimentale për COVID-19, duke treguar se më shumë se 150 faza të hershme të testimit janë duke u kryer.
Në përfundim të takimit dyditor kushtuar hulumtimit, u theksua se 17 versione vaksinash po testohen te njerëzit dhe se disa prej tyre do të konfirmohen si efektive deri në fund të vitit, megjithëse afati për prodhimin e një vaksine të licencuar është akoma i pasigurt.
“Ne jemi shumë të inkurajuar nga progresi i këtyre kandidatëve për vaksina dhe i presim rezultatet,” tha OBSH.
Testimi masiv i disa vaksinave eksperimentale pritet të fillojë së shpejti, të cilat do të japin të dhëna për efektivitetin e tyre. /tesheshi.com/
