Ai mund të ketë hequr dorë nga detyrat e tij mbretërore për të filluar një jetë të re në Los Angeles, por Princi Harry nuk i ka harruar rrënjët e tij britanike.
Duka i Sussex do të prezantojë një edicion të veçantë të karikaturës “Thomas and Friends”, i cili po feston 75-vjetorin e tij këtë vit.
Në episodin special shfaqen animacione të Mbretëreshës dhe Princit Charles si fëmijë.
Programi transmetohet në SHBA të premten dhe të nesërmen në Mbretërinë e Bashkuar. Do të jetë në dispozicion në më shumë se 180 vende këtë vit, raporton CNN.
Shikuesit do ta shohin Princin Harry të ulur në një kolltuk pranë fireplace duke lexuar një libër me titull “Thomas dhe Motor’s King”.
Princi Harry thotë se “Thomas & Friends” feston 75 vjet miqësi dhe punë ekipore.
Në një deklaratë të lëshuar nga Mattel, pronar i Thomas the Tank Engine, princi tha se e adhuronte Thomasin si fëmijë.
“Thomas ka qenë një fytyrë e njohur në shumë familje gjatë 75 viteve të fundit. Ai argëtoi, mësoi dhe ishte një frymëzim për fëmijët përmes tregimeve dhe karaktereve emocionuese,” tha Harry.
Ai shtoi se ishte krenar që kishte marrë pjesë në episodin special.
Princi mori rolin në këmbim të një dhurimi për një bamirësi. /tesheshi.com/
