Metodologjia e re e anëtarësimit në Bashkimin Evropian, të cilën Komisioni Evropian pritet ta prezantojë në Bruksel, sjell një numër risish, kanë raportuar disa media në rajon, duke përmendur një dokument në të cilin kanë patur akses.
Ndër to veçohet ajo e sanksioneve në rast të moszbatimit të reformave të nevojshme dhe përmbushjes së kushteve.
“Eshtë e nevojshme të përmirësohet procesi i pranimit dhe të bëhet më i efektshëm; ai duhet të bëhet më i parashikueshëm, më i besueshëm – bazuar në kritere objektive dhe në mënyrë rigoroze…”, thuhet ndër të tjera dokumentin e titulluar “Përmirësimi i procesit të pranimit – një qasje e besueshme evropiane” perspektivë për Ballkanin Perëndimor ‘.
Tjetra është integrimi i kapitujve në grupe, gjë që nënkupton hapjen e kapitujve në tërësi e jo veçanti dhe ideja e Komisionit Evropian është që të sjellë më shumë dinamizëm në negociatat me kandidatët, duke respektuar kornizën ekzistuese të negociatave dhe marrëveshjeve me ato vende.
Zgjidhja, thotë dokumenti, tashmë mund të përdoret dhe në negociatat me Serbinë dhe Malin e Zi.
Objektivi kryesor i angazhimit të BE në Ballkanin Perëndimor është të përgatisë vendet për të përmbushur gjithçka që është e nevojshme për anëtarësim, e cila përfshin mbështetje për demokracinë, sundimin e ligjit dhe reformën ekonomike, si dhe përafrimin me vlerat themelore evropiane.
Ishte Franca ajo e cila kërkoi metodologji të re, për ç’shkak vuri veton për mos’hapje negociatash me Tiranën dhe Shkupin. /tesheshi.com/
