Maqedoni ka kujtuar Ditën e Pavarësisë, duke e nisur ditën me dhjetë breshëri artilerie, realizuar në kazermën “Ilinden” në Shkup.
Ndërsa ceremonia kryesore e shënimit të Pavarësisë do të mbahet para godinës së qeverisë së Maqedonisë. Në Shkup pritet të mbërrijë dhe kancelarja Merkel, në një përpjekje për t’i dhënë mbështetje kryeministrit Zoran Zaev, para referendumit për emrin e ri.
Vizita e saj, konsiderohet dhe si e natyrës elektorale. Ditë më parë, në Shkup ishte dhe kreun i NATO-s, Soltenberg.
Maqedonia e shpalli pavarësinë e saj nga Jugosllavia më 8 shtator ‘91. Ndryshe nga ish-republikat e tjera, aty komuniteti ndërkombëtar arriti të ruajë paqen, ndërkohë që pak vite më vonë do t’i bëhej atentat Presidentit Kiro Gligorov.
Lufta do të vinte më 2001-shin, kur shqiptarët reaguan në mënyrë të armatosur ndaj pushtetit maqedonas, për të drejtat e tyre. /tesheshi.com/
