Një libër historik i botanikës që daton shekullin e 16-të, mban një mister që mund të jetë më i madhi përsa përket identitetit të Uilliam Shekspirit. Në faqet e tij mund të ndodhet portreti i vetëm i dramaturgut të madh, vizatuar gjatë periudhës kur ai ishte gjallë.
Ky është mendimi i një eksperti akademik. Historiani dhe botanisti, Mark Griffiths, pretendon se ka zbuluar një viziatim “autentik” të Shekspirit në një libër që flet për bimët dhe që është botuar 400 vjet më parë.
Kjo teori është botuarn në artikullin e një reviste arti në Britaninë e Madhe. Në të thuhet se dhjetë vite më pare, Griffiths vendosi që të shkruante një biografinë e një botanisti të famshëm britanik, John Gerard, i cili në vitin 1589 botoi një libër të posaçëm për bimët, që vazhdon edhe sot e kësaj dite të mbetet një nga botimet më të mira për bimësinë në Britaninë e Madhe.
E ndërsa analizonte librin, Griffiths u përball me pikturat e personave të cilët kishin kontribuar në hartimin e tij. Aty vuri re katër persona: një imazh të vetë autorit, dy të tjera të bashkëpunëtorëve të tij, si dhe një të katërt, të mistershëm me veshje të stilit roman. Pesoni i katërt, i paidentifikuar e me mjekër, mbante një kurorë mbi kohë dhe kjo e bëri Giffiths shumë kurioz.
Kurioziteti e çoi të gërmonte dhe të hetonte për të zbuluar identitetin e personit në fjalë. Gjatë kërkimit, Griffith zbuloi identitet e të gjithë personave të tjerë dhe ajo që ishte interesante ishte fakti që të gjithë ishin të lidhur me simbole të Tudorëve. Sipas një kodi të posaçëm që Griffith përdori për zbërthimin e këtyre simboleve, doli se i panjohur ishte Uilliam Shekspir në moshën 33-vjeçare.
Ky imazh është i vetmi i njohur deri më tani, që mund të konsiderohet autentik dhe është botuar për herë të parë në revistën “Country Life” të mërkurën. Para këtij zbulimi, i vetmi portret që mendohej se i përkiste shkrimtarit të shquar, është një portret që nuk është identifikuar kurrë përfundimisht si i tiji. Bëhet fjalë për një gdhendje të Martin Droeshout që është botuar në një koleksion të tijin në vitin 1623. Ndërkohë zbulimi fundit është konsideruar nga shumë specialistë si “zbulimi i shekullit”. /tesheshi.com/
