Antonio Conte dhe Pep Guardiola janë rishtarë në futbollin anglez. Të dy janë në sezonin e parë të tyre në drejtim të dy skuadrave elitare, Çelsit dhe Mançester Sitit, që synojnë veç të fitojnë trofe në çdo aktivitet.
Conte ka një ecuri shumë më të mirë te Çelsi, edhe pse aventura nisi jo ashtu siç duhej për të. Vendi i parë në Premier League flet më së miri për punën e tij fantastike. Në të kundërt, Guardiola pati një fillim mjaft të mirë me Man. Sitin, por të mjegulluar nga vijimi aspak bindës.
Sonte Çelsi pret Mançester Sitin në “Stamford Bridge”, në një sfidë mjaft delikate për objektivat e këtyre dy skuadrave në kampionatin anglez. Çelsi vjen nga një humbje e papritur, e kështu që duhet me patjetër të shmangë një rezultat tjetër të papëlqyeshëm. Ashtu si kundërshtari i kësaj mbrëmjeje kërkon të qëndrojë mes katërshes së parë.
Para këtij takimi, Guardiola e ka lëvduar fort Conte-n, aq sa ka deklaruar se ai mund të jetë më i miri.
“Ai është i shkëlqyer,” ka thënë Guardiola duke shfaqur mendimin e tij mbi italianin.
“Ai ishte në gjendje ta bënte Italinë të luante futboll të bukur, Juventusin po ashtu, në një kulturë ku ai [futbolli] është aq mbrojtës. Kam mësuar shumë kur i kam parë skuadrat e tij.”
Për të nënvizuar në fund të lavdërimit për rivalin e kësaj mbrëmjeje, “Mbase ai është më i miri!” /tesheshi.com/
