Stadiumi i Strumicës, ku do të luhet mbrëmjen e sotme ndeshja mes Maqedonisë dhe Shqipërisë, e vlefshme për Botërorin “Rusia2018” do të jetë plot, pasi të gjitha biletat janë shitur.
Federata e Futbollit të Maqedonisë ka njoftuar se shumë pak bileta kanë mbetur ende në shitje, kryesisht në sistemet online apo në disa pika në Strumicë.
Por mediat maqedonase kanë raportuar shqetësimet se biletat nuk janë shitur në treg. E njëjta gjë ka ndodhur edhe sot pas njoftimit të federatës, ku në rrjetet sociale, kanë shpërthyer reagimet.
Grupimi i tifozëve të ekipit të Vardarit akuzon federatën se pol argon tifozët dhe po i përdor ndeshjet e kombëtares vetëm për të shitur futbollistë.
“Është tragjike që mundohen të na bëjnë për budallenj duke deklaruar se biletat u shitën. Vendi ku u shitën ishin dy kafene, një e Pandevit dhe një në qendër fitnesi”, shkruhej në postimin e tifozëve të Vardarit. /tesheshi.com/
