Zhvillimet e fundit në Siri po çojnë dalëngadalë drejt pezullimit të bisedimeve midis dy fuqive botërore, SHBA-ve dhe Rusisë.
Sipas sekretarit amerikan të Shtetit, SHBA-të janë në prag të dhënies fund bisedimeve me Rusinë mbi Sirinë pas bombardimeve të vazhdueshme në Halep.
John Kerry ka deklaruar në një fjalë të mbajtur në Këshillin Atlantik një ditë më parë se SHBA-të janë pranë pezullimit të diskutimit, “ngaqë ky është irracional në kontekstin e llojit të bombardimit që po ndodh”.
Ai ka folur për mungesë serioziteti të vullnetit të Rusisë, duke e bërë të qartë se diskutimet nuk kishin kuptim ndërkohë që avionët luftarakë rusë dhe sirianë po bombardonin zonat e kontrolluara nga kryengritësit në Halep.
Amerikanët dhe rusët kanë qenë në bisedime të ethshme gjatë javëve të fundit për arritjen e një armëpushimi afatgjatë në Siri, por ia dolën t’i ndërpresin luftimet vetëm për pak ditë.
Al Jazeera citon zyrtarë amerikanë që thonë se administrata e tyre është në kërkim të rrugëve të tjera për t’i dhënë fund luftës në Siri. /tesheshi.com/
