Quhet Leonilda Tomasinelli, por të gjithë e njohin si Nëna Leo. Ajo është 95 vjeçe dhe për ditëlindje ka vendosur t`i dhurojë vetes hapjen e “Home restaurant”, në shtëpinë e saj. Jeton në Xhenova të Italisë, në lagjen Albaro, ku ka vendosur të hapë dyert e shtëpisë për të pritur klientët.
“Recetat e mia? Janë sekret dhe nuk do t’jua them kurrë. Nëse doni të shijoni pjatat e mia mund të vini dhe të më gjeni në home-restaurantin tim”,- ka thënë e moshuara.
Ajo është një gjyshe moderne, e cila ka hapur edhe llogaritë e saj në rrjetet sociale Facebook, Tëitter, Google Plusm Instagam, Youtube dhe Pinterest, ku klientët mund ta kontaktojnë.
Nëpërmjet Facebbok dhe me ndihmën e nipit Fabrizio, gjyshja Leo pranon prenotimet në restorantin e saj, i cili do të inaugurohet me rastin e 96-vjetorit të lindjes më 18 prill.
Ushqimet që ajo do të ofrojë do të jenë tipike të zonës, duke përfshirë frutat e detit, perimet, mishin, pastat, makaronat por edhe bulmetin.
Gjithçka do të bëhet përpara klientëve, pasi në kontratën e atyre që hapin një home-restaurant thuhet se çdo gjë që do të pregatitet, duhet të realizohet përpara konsumatorëve. /tesheshi.com/
