Më shumë se dy muaj nga tërmeti tragjik i 26 nëntorit, e tre ditë para Konferencës së Donatorëve që do organizojë BE, Hollanda e ka deklaruar shifrën e saj të ndihmës për Shqipërinë.
“Qëndrojmë pranë Shqipërisë pas pasojave të tërmetit, do të dhurojmë 3 milion eur për përpjekjet e rindërtimit.
Tërmeti shkatërrues që goditi Shqipërinë vitin e kaluar na tronditi të gjithëve.
Kam parë pamje të dëmeve, kryeministri Edi Rama dhe kolegu im Gent Cakaj më kanë treguar histori që të thyenin zemrën për qytetarët shqiptarë që ranë viktimë e kësaj fatkeqësie.
Bashkë për Shqipërinë!”, shkroi ministri i Jashtëm Stef Blok. Konferenca në Bruksel do të drejtohet nga Presidentja e Komisionit Europian, Ursula Von der Leyen e në të pritet që të marrin pjesë mbi 100 shtete, ku bashkohen ato të Lindjes e Perëndimit, përfshirë dhe vendet e Gjirit.
980 milionë euro është shifra e kostos sës dëmeve. /tesheshi.com/
