Në kohën kur shumë agjensi mode nxjerrin në pah modelet e reja të veshjeve të tyre, të ekspozuara dhe të reklamuara me bujë në medat e botës, madje edhe kapelet e ndryshme për sezone po të ndryshme, në qytetin e Durrësit, në një zonë pak të njohur e si të fshehur turistike, që njihet si plazhi i Kallmit, po përdoret gjërësisht një lloj kapeleje e papromovuar ende nëpër agjensi reklamash, por që ngjall kërshëri te kushdo që e shikon për herë të parë.
Është një kapele e përbërë prej degëve të fierit, e cila është e freskët, mund ta sajojë kushdo dhe mund t’i shërbeje cilitdo që kërkon të shmangë rrezet e diellit në pikun e ditëve të nxehta të korrikut.
Kjo tip kapeleje është duke qarkulluar në zonën e Kallmit, madje siç edhe shikohet në foton që po paraqesim, ajo është e preferuar edhe nga vajzat, të cilat e provojnë me kuriozitet. Në foton e paraqitur shihet jë vajzë e re që duket sikur po sfilon me këtë kapele intersante.
Ky detaj tregon se moda në plazhet periferike mund të ndiqet edhe me mjete rrethanore. Sidomos në një vend ku fieri, që përbën edhe lënden e parë, është me shumicë. Mjaft praktike dhe me kosto të ulët.
M.Brunga – /tesheshi.com/
