Gjatë muajit qershor, kur të gjithë e kishin mendjen tek fushata zgjedhore, ministria e Ekonomisë ka hapur tenderat për të paktën 5 koncensione të reja.
Bëhet fjalë për pesë hidrocentrale në pesë kaskada dhe lugina të ndryshme të vendit, njëri në një zonë turistike siç është ajo e Thethit.
Procedurat janë publikuar nga portali Open Data Albania dhe procesi i prokurimit nuk është firmosur nga ministrja teknike e PD-së, por nga sekretari i përgjithshëm i ministrisë së Ekonomisë Koli Bele.
Këto procedura nuk janë të zbardhura në faqen e Axhensisë së Trajtimit të Koncesioneve Ministria e Ekonomisë.
Koncensionet:
- Me afat 35 vite Hidrocentrali Thanë, pritet të tenderohet duke hapur ofertat në datën 17 korrik. Procedura është për prokurim është shpallur në datën 15 qershor
- Hidrocentrali tjetër është mbi Lumin Shalë (Theth) me afat shfrytëzimi 35 vjet i formës Bot. Ky koncesion është shpallur në datën 27 qershor dhe dokumentat nga konkurrentët në tender do të dorëzohen në datën 25 Korrik.
- Hidrocentrali Lusa është një tjetër koncesion hidrik i shpallur në muajin qershor për të përfunduar dorëzimi i ofertave për tenderim në Korrik.
- Hidrocentrali tjetër është në Kukur (jug lindje) dhe ka afat 25 vite, tenderi për prokurimin e tij mbyllet në datën 10 korrik
- Hidrocentrali Gojan është në luginën e lumit Fan i Madh. Edhe ky hidrocentral anoncohet me firmën e sekretarit të përgjithshëm të ministrisë dhe gara për përcaktimin e fituesit është 31 Korriku./tesheshi.com/
