Presidenti turk i ka dhënë fund një vizite të suksesshme disaditore në Bahrejn, në Arabinë Saudite e në Katar me kryerjen e umres në Mekë, një pelegrinazh jo i detyrueshëm për muslimanët.
Në Katar gjatë së mërkurës, Erdogani do të rikthehej në Arabinë Saudite, për të vizituar më së pari Medinën, e më pas Mekën.
Veç së shoqes, atë e shoqëronin një numër zyrtarësh të lartë, mes të cilëve shefi i Shtabit të Përgjithshëm dhe disa ministra të qeverisë turke.
Pamja e Erdoganit me ihram, me veshjen e posaçme për pelegrinazhin në Mekë, është bërë e zakonshme tani, ndërsa ai dhe më herët ka kryer vizita të tilla, siç bëri umren dy vite të shkuara, kur do të gjendej sërish në Arabinë Saudite.
Në vizitën e tij ditë më parë në Arabinë Saudite, Erdogani do të pritej në aeroport nga vetë mbreti Selman, një shenjë e marrëdhënieve të ngrohta saudito-turke. /tesheshi.com/
