Të hënën e kaluar, disa ushtarë francez lajmëruan skuadrën e specializuar në çmontimin e bombave pasi vunë re praninë e një Kur`ani brenda një makinë, bën të ditur e përditshmja franceze Le Parisien.
Ushtarët, të cilët po bënin roje rreth një sinagoge në zonën e Nogent-sur-Marne, 16 kilometra në juglindje të Parisit, vunë re se makina nuk kishte lëvizur gjithë ditën. Ata iu afruan makinës me kujdes dhe panë se në ulësen e pasagjerit ishte lënë një Kur`an.
Ata lajmëruan menjëherë policinë dhe skuadrën anti-bombë, e cila u dërgua me shpejtësi në “vendin e ngjarjes”. Por pas hetimeve u zbulua se makina ishte parkuar aty nga i zoti i një lokali në lagje. /tesheshi.com/
