Policia e Kosovës ka zbuluar pesë kilogramë marihuanë, në një shtëpi në rrugën “Rrahim Beqiri” në Prishtinë, por pronari i dyshuar i kësaj sasie ndodhet në arrati. Kjo bëhet e ditur nga raporti i sotshëm i policisë.
“Mbrëmë (në orën 20:30) njësia përkatëse policore gjatë kontrollimit të shtëpisë së të dyshuarit, kanë gjetur dhe konfiskuar rreth 5 kg substancë të dyshuar narkotike të llojit marihuanë.
I dyshuari gjendet në arrati. Njësia përkatëse policore është duke hetuar rastin”, thuhet në raportin policor, i cili nuk jep hollësi të tjera. /tesheshi.com/
