Në mbyllje e çadrës mbërrin “bomba” e Trump-it për Edi Ramës: Është një telegram!

Në ditët e mbylljes politike të çadrës së opozitës, qeveria e ka bombarduar atë me dy lajme: njëra ka qenë një letër që Donald Trump, shpresa e madhe e PD-së se do të fundosë Edi Ramën, i ka çuar një letër zyrtare këtij të fundit.

Letra është korteziale dhe protokollare, por mund edhe të mos ishte e tillë nëse Donaldi i Shtëpisë së Bardhë nuk do të dëgjonte Donaldin e Ambasadës së SHBA në Tiranë për doktorin e aq më shumë fansat e Trumpit që janë shtuar shumë kohët e fundit. Sidomos në LSI.

Siç bën të ditur qeveria, “Kryeministri Edi Rama ka marrë një letër falenderimi nga Presidenti i SHBA-së, Donald Trump, në të cilën vlerësohet urimi që Rama i pati dërguar për marrjen e detyrës.

“I dashur Kryeministër. Unë e mirëpres ngrohtësisht mesazhin tuaj të urimit për betimin tim si President i Shteteve të Bashkuara dhe e vlerësoj lart mendimin, mbështetjen e inkurajimin tuaj”, thuhet në letër.

Ne kemi përpara sfida të cilat jam i bindur se do t’i kapërcejmë, mbi themelet e përbashkëta dhe në partneritet me njëri-tjetrin. Ne po ashtu kemi mundësira të jashtëzakonshme për përparimin e qëllimeve që ndajmë, për promovimin e stabilitetit global e për arritjen e paqes e të prosperitetit”.

Po sot Edi Rama ka furnizuar mediat me një tjetër lajm që është zgjedhur zv.president i Internacionales Socialiste dhe e publikoi vetë në faqen e Facebook.

“Faleminderit Internacionales Socialiste për besimin e shprehur me votën pro propozimit për Zv.President të saj🙏 #KrenarpërPS🌹”. shkruan Rama. /tesheshi.com/