Nuk janë 495 mijë, ashtu siç pretendohej në fillim nga Kimisioni Shtetëror i Zgjedhjeve por 310 mijë votues të kontestueshëm në Maqedoni. Komisioni Shtetëror i Zgjedhjeve dje njëzëri ka miratuar raportin nga analiza e kryqëzimit të të dhënave në bazë të të dhënave nga MPB-ja dhe dhjetë institucioneve tjera.
Pra të dhënat janë të ndryshme nga raporti i cili u publikua në opinion të enjten, e që përmban pothuajse gjysmë milioni votues të dyshimtë. Pjesa më e madhe e anëtarëve të KSHZ-së vlerësuan se ai ka qenë raport paraprak në të cilin krahasimi është bërë në bazë të qytetarëve e jo mbi bazën e Ministrisë së Brendshme.
Ndërkaq sot KSHZ-ja ka vendosur që do të bëjë kontrolle në terren edhe për 100 mijë e 440 votues të dyshimtë. /tesheshi.com/
