Kryeministri Edi Rama ka publikuar përmes rrjetit social një foto të dy pjesëtarëve të Forcave të Armatosura, të cilët janë angazhuar në operacionet për shuarjen e zjarreve.
Ndërsa i cilëson ata si heronjtë e këtyre ditëve të vështira, Rama shpreh mirënjohjen dhe respektin për çdo pjesëtar të strukturave të shtetit që është angazhuar në operacionet për shuarjen e zjarreve.
“Ushtar i I, Vangjeli Limallari 20 vjeç dhe Ushtar i I, Ornela Shaba, 22 vjeç; dy ndër shumë heronjtë e këtyre ditëve të vështira përballjesh me zjarret, në kushte klimaterike asfiksuese. Mirënjohje për ta dhe respekt për punën e tyre në shërbim të vendit”, shkruan Rama.
Reagimi i Kryeministrit vjen në një kohë kur nga LSI janë intensifikuar akuzat në drejtim të tij, ndërsa sot Petrit Vasili kërkoi mbledhjen e Qeverisë. /tesheshi.com/
