Ministri i Jashtëm në ikje Behgjet Pacolli, tha se ka bërë gati një dosje me dëshmi të krimeve serbe, të cilat do ia dorëzon Prokurorisë.
“Do të depozitoj 10 mijë faqe material për krimet e luftës në Kosovë. Këto në ditët në vijim do t’i dorëzohen prokurorëve tanë dhe të shohin se çka mund të bëjnë. Janë dokumente që janë aty, nuk janë trajtuar asnjëherë. Diku 95% e kriminelëve që janë përmendur në këto dokumente veprojnë dhe lëvizin lirshëm”, tha Pacolli në një konferencë për shtyp, një veprim prej tij si reagim ndaj mohimit të masakrës së Raçakut nga Beogradi zyrtar, me anë të një deklarate të Vuçiçit.
“Detyra historike është te dokumentojmë vrasjet, dhunimet, dëbimet e kryera nga forcat serbe. Lufta e Kosovës kishte rezultuar me vrasjen e shumë njerëzve, dhunimin. Këto dokumente janë përdorur nga Tribunali i Hagës dhe në disa raste jo”, tha Pacolli. /tesheshi.com/
