Një efektiv i forcave speciale të ushtrisë është lënduar gjatë operacioneve për shuarjen e zjarreve, ndërsa ndodhet në spital për ndihmë mjekësore.
Nënoficeri i batalionit special të Forcave të Armatosura, Skënder Hidri, është lënduar gjatë ndërhyrjes në malin e Derjes në Tiranë, zona e Shëngjergjit, në përpjekje për të shuar flakët.
Sikundër raportohet gjendja shëndetësore e nënoficerit është e qëndrueshme dhe jashtë rrezikut për jetën.
Prej disa ditësh efektivë të Gardës së Republikës dhe Forcave të Armatosura janë angazhuar në krah të zjarrfikësve dhe Emergjencave Civile për të përballuar situatat e krijuara nga zjarret në zona të ndryshme të vendit.
Ministri i Brendshëm, Dritan Demiraj, e ka cilësuar situatën të vështirë dhe si cënim të sigurisë kombëtare.
Ndërkohë që zjarrëvëniet konsiderohen si të qëllimshme në shumicën e rasteve, personat përgjegjës që janë ndaluar apo po përballen me drejtësinë janë të paktë. /tesheshi.com/
