Strukturat që do të angazhohen në luftën kundër zjarreve do të kenë në dispozicion pajisje të reja, të cilat do t´I ndihmojnë në përmbushjen e misionit, por edhe rrisin mbrojtjen e tyre.
Gazsjellësi Trans Adriatik (TAP) i dorëzoi autoriteteve shqiptare fikëse zjarri personale dhe uniforma zjarrduruese për të përballuar situatën e emergjencës me zjarret në të gjithë vendin.
Në bashkëpunim dhe në koordinim me Ministrinë e Energjisë dhe Industrisë, Ministrinë e Punëve të Brendshme dhe Emergjencat Civile, TAP ka mundur të sigurojë në një kohë të shkurtër 600 pompa shpine për fikje zjarri, me kapacitet deri në 25 litra ujë dhe 100 uniforma personale zjarrduruese.
Pompat fikëse të shpinës dhe uniformat do t’i japin mundësin zjarrfikësve që të jenë më efikase në luftë kundër zjarreve pa u rrezikuar prej nxehtësisë.
Fikset e zjarrit të shpinës dhe uniformat zjarrduruese plotësojnë nevojat e ekipeve që angazhohen në operacione të tilla. /tesheshi.com/
