Autoritetet e Singaporit njoftuan se kanë ekzekutuar me varje një 46-vjeçar, i cili ishte dënuar me vdekje për trafikimin e 1 kilogrami kanabis, duke sfiduar thirrjet nga jashtë për të rishikuar çështjen dhe për të hequr dënimin me vdekje në këtë qytet-shtet.
Dënimi i Tagaratzu Supia, 46 vjeç, një shtetas Singapori, u krye sot në burgun Chagi”, tha një zëdhënës i shërbimit të burgut të Singaporit për AFP.
Tagaratzu Supia u ekzekutua pavarësisht një thirrjeje nga Komisioneri i Lartë i Kombeve të Bashkuara për të Drejtat e Njeriut të martën për autoritetet e Singaporit që të “shqyrtojnë urgjentisht” vendimin për ta varur atë.
Një ditë më parë, miliarderi britanik Richard Branson, anëtar i Komisionit Botëror për Luftën kundër Drogës, i bëri thirrje gjithashtu qytetit-shtetit që të mos e ekzekutonte 46-vjeçarin, duke gjykuar se ai mund të qe i pafajshëm.
Ministria e Punëve të Brendshme të Singaporit, megjithatë, hodhi poshtë kërkesën dhe vlerësimet e Branson të martën, duke e akuzuar atë për një “mungesë të plotë respekti për gjyqtarët” dhe “sistemin e drejtësisë penale” të vendit.
Tagaratzu Supia u dënua me burgim të përjetshëm në vitin 2018 për përfshirjen e tij të dyshuar në kontrabandën e 1.01 kg kanabis, dyfishi i sasisë së dënueshme me vdekje në Singapor, një vend me një nga dënimet më të ashpra në botë për sa i përket drogës. /tesheshi.com/
