Mesfushori i Arsenalit dhe lojtari i kombëtares gjermane të futbollit, Mesut Özil tha të dielën se është krenar për origjinën e tij turke.
Duke folur për të përditshmen gjermane Bild, 28-vjeçari tha se prindërit e tij me kombësi turke e kanë rritur atë me vlerat dhe kulturën e vendit nga vijnë, duke thënë se rrënjët e tij janë një burim krenarie për të.
Ozil, i cili i takon brezit të tretë turko-gjerman, është konsideruar si një shembull i mirë i integrimit të suksesshëm në shoqërinë gjermane, dhe është një shtyllë e fortë e kombëtares gjermane të futbollit që nga viti 2009.
Ozil, si një futbollist i cili është takuar me presidentin Rexhep Tajjip Erdogan dhe me kancelaren gjermane Angela Merkel, tha se parapëlqen që të përmbahet nga komentet në lidhje me marrëdhëniet midis dy vendeve.
Majin e kaluar, udhëheqësi gjerman i ekstremit të djathtë të AfD-sw, Frauke Petry pati akuzuar Ozilin për promovim të një axhende politike duke postuar në rrjetet sociale një foto të tij gjatë një pelegrinazhi në qytetin e shenjtë të Mekës.
Ndrsa Ozil tha se ai vendosi që të përjetojë haxhin pasi kishte dëgjuar për të nga prindërit e tij, duke shtuar se ai do të dëshironte të vizitonte Mekën përsëri. /tesheshi.com/
