Në kulmin e akuzave ndaj për lidhje të PD-së me Moskën, qeveria e Edi Ramës heq vizat për rusët. Vendimi u mor në mbledhjen e qeverisë me qëllimin për të rritur vizitat gjatë sezonit turistik.
Në fakt nuk janë vetëm rusët ata të cilëve u janë hequr vizat por edhe qytetarë të disa shteteve të tjera, të gjithë për një qëllim: të dynden drejt nesh gjatë sezonit veror.
Sipas VKM-së, lista e shteteve që do të hyjnë në Shqipëri pa viza janë: Rusi, Arabi Saudite, Bjellorusi, Gjeorgji, Katar, Oman, Tajlandë, Kinë dhe Bahrejn.
Periudha që rusët do të hyjnë pa viza, nis nga 1 prilli deri më 31 tetor. /tesheshi.com/
