Nga Shkëlzen Rrecaj
Ndotja e ajrit në Kosovë po trajtohet si një shqetësim serioz. Kohë më parë, përfaqësues të Organizatës Botërore të Shëndetësisë kishin alarmuar se nga niveli i ndotjes së ajrit në Kosovëshkaktohen mbi 800 vdekje të parakohshme në vit.
Njëri prej faktorëve të ndotjes së ajrit po konsiderohet përdorimi i madh i veturave të vjetra. Në Kosovë llogaritet se janë në qarkullim mbi 286 mijë automjete, shumë prej tyre janë prodhime të vjetra.
Pikërisht për këtë shkak, pra tëndotjes së madhe të ajrit, të gjithë ngasësit qëi regjistrojnë makinat e tyre, do të kenë edhe një obligim shtesë. Fjala është për obligimin e ri për shoferët, të cilat gjatë kryerjes sëkontrollimit teknik për makinat e tyre duhet të masin edhe lirimin e gazrave, përndryshe, nuk do tëmund ta bëjnë regjistrimin e tyre.
Me qëllim të parandalimit dhe zvogëlimit të lirimit të gazrave të dëmshme në ajër nga burimet e lëvizshme dhe përafrimi i dispozitave me ato të BE-së, javën e kaluar qeveria miratoi Udhëzimin e ri Administrativ për normat e lejuara të shkarkimeve në ajër nga burimet e lëvizshme.
Ky udhëzim administrativ përcakton detyrimet e përdoruesve të automjeteve që gjatë kontrollimit teknik të bëjnë edhe kontrollin e nivelit të shkarkimeve në ajër të gazrave të automjetit, ku do të kërkohet zbatimi i standardit Euro 1, 2 dhe 3.
Kontrolli i gazrave fillimisht do të jetë i karakterit eksperimental në kohëzgjatje prej gjashtë muajsh. Mënyrat e kontrollimit të shkarkimeve në ajër do të kryhen sipas kushteve që i përcakton Ministria e Infrastrukturës, e cila është e obliguar për implementim.
Një udhëzim i tillë ka ekzistuar që nga viti 2011, mirëpo asnjëherë nuk ka gjetur zbatim. Tani, me kërkesën e Ministrit të Ambientit, z. Ferid Agani, janë bërë ndryshimet e duhura dhe gjithçka është gati qëky udhëzim të zbatohet, në mënyrë që të kontribuohet në ruajtjen dhe përmirësimin e cilësisë së ajrit, mbrojtjen e shëndetit të njeriut si dhe përmirësimin e gjendjes së mjedisit në përgjithësi.
Në koordinim me Ministrinë e Infrastrukturës pritet që ky udhëzim të hyjë në fuqi nga muaji i ardhshëm.
Lidhur me këtë vendim qytetarët e Kosovës janë ndarë në dysh. Disa janë të pajtimit që ky udhëzim të zbatohet,ashtu që të kemi ajër më të pastër dhe rrjedhimisht më pak dëme shëndetësore.
Të tjerët mendojnë se ky udhëzim nuk është edhe aq me vend për arsye tëkushteve ekonomike, sidomos për shtresën e varfër të cilët vozisin vetura të vjetra.
Ruzhdi Krasniqi, për portalin tesheshi.com thotë: “Unë, për shkak të standardit që kam, e kam tëvështirë që të blej një veturë tëre, ndërsa këtë që e kam, sipas këtyre ligjeve, nuk do të jem në gjendje ta regjistroj.”
Ndërsa Liridon Berisha, i cili vozit veturë më të re e mirëpret vendimin e qeverisë. “Është më vend që është miratuar ky udhëzim. Për të pasur një ambient më të mirë, duhet që regjistrimi i veturave të vjetra të ndalohet dhe kështu të mundësohet që të kemi sa më shumë vetura të reja. Por edhe dogana, akciza dhe disa shërbimet të tjera duhet të lirohen në mënyrëqë të futen më shumë vetura të reja në vendin tonë”, shprehet ai për portalin tesheshi.com.
Pyetja e cila duhet të bëhet është se a mjafton vetëm ky udhëzim që godet veturat apo duhet që në ruajtjen e ambientit të përfshihet edhe ndotësit e tjerë të mëdhenj si termocentralet, fabrikat, shkritoret etj. dhe të ketë ligje edhe për to.
Se a do ta ketë edhe ky udhëzim fatin e njëjtë me atë të vitit 2011. Neve na mbetet të shpresojmë që ky udhëzim të fuqizohet dhe së bashku me të tjerët që të kenë përkrahjen edhe institucionet publike ashtu qët’i plotësojmë standardet më elementare për një jetë më të mirë./tesheshi.com/
