Kuvendi i Kosovës më në fund ka emëruar bordin drejtues të Organit Shqyrtues të Prokurimit.
Kryesues është zgjedhur Blerim Dina, me 64 vota për, një kundër dhe 10 abstenime. Ndërkaq dy anëtarët tjerë janë zgjedhur Nuhi Paçarizi dhe Goran Milenkoviq. Mandati i tyre zgjat pesë vjet.
Kompletimi i anëtarëve të OSHP-së është edhe njëra ndër tetë rekomandimet e Komisionit Evropian lidhur me liberalizimin e vizave.
OSHP kishte mbetur pa anëtarë, pasi që kryetari Hysni Hoxha dhe anëtari Bajram Zogiani janë shkarkuar nga Kuvendi, dhe janë duke u akuzuar, ky i fundit madje për trafikim me qenie njerëzore.
