“Shkalla e papunësisë së grave në Kosovë është më e larta në rajon”. Kështu ka thënë shefi i misionit të OSBE-së, ambasadori Jan Braathu.
Ai tha se 82 për qind e grave të afta për punë janë të papunësuara. Ai këto komente i bëri me rastin e hapjes së panairit tregtar dy-ditor në Prishtinë për gratë pronare të bizneseve nga jugu dhe veriu i lumit Ibër.
“Nëse duam të fuqizojmë ekonominë, atëherë nuk ka kurrfarë kuptimi të pengojmë qasjen e grave në ekonomi. Thjesht, nevojitet që gratë të jenë pjesë e ekonomisë. Shkalla e papunësisë së grave në Kosovë është më e larta në rajon. 82 për qind e grave që janë të afta për punë janë të papunësuara,” tha ai.
Ndryshe sipas rezultateve të anketës së fuqisë punëtore në tremujorin e parë të vitit 2017 (TM1), shkalla e papunësisë në nivel vendi është 30.5 për qind./tesheshi.com/
