Për nder të ditëlindjes së 71-të të ish-presidentit amerikan, Bill Clinton, Shoqata “Miqtë e Amerikës” në bashkëpunim me Federatën e Futbollit të Kosovës (FFK), organizuan një turne në futsall.
Agim Rexhepi nga shoqata “Miqtë e Amerikës” ka thënë për “Ekonomia Online” se përmes këtij turneu po mundohen të shprehin falënderimin për të mirat dhe kontributin që ka dhënë ish-presidenti Clinton, dhe populli amerikan, për çlirimin dhe bërjen shtet të Kosovës.
Ai ka falënderuar Federatën e Futbollit të Kosovës që e ka përkrahur realizimin e kësaj ngjarjeje.
Katër ekipet pjesëmarrëse në këtë turnir janë: Fc Prishtina, Fc Përparimi, Fc Juniku dhe Fc Drenica.
Përveç kësaj do të zhvillohet edhe një miqësore mes një ekipi të Ambasadës Amerikane dhe atij nga Forca e Sigurisë së Kosovës.
Në fund do të bëhet edhe ndarja e kupave dhe e medaljeve. /tesheshi.com/
