Një 20-vjeçar është shtruar në spital në gjendje kome pasi u pickua nga bletët vrasëse më shumë se 20,000 herë, raportuan të afërmit e tij dhe një kanal televiziv lokal.
Të martën mbrëma, Austin Bellamy u intubua dhe u vendos në një koma të induktuar në Qendrën Mjekësore të Universitetit të Cincinnati në Ohio, sipas Fox 19.
“Ai po lufton për jetën e tij,” tha nëna e tij, Shona Carter, në një faqe në internet për mbledhjen e fondeve duke kërkuar donacione për të paguar shtrimet në spital.
Të premten e kaluar, Austin Bellamy ishte duke krasitur një pemë qershie kur pa dashur preu një zgjua bletësh. Këto insekte, të njohura edhe si “bletët e afrikanizuara”, janë veçanërisht agresive.
Gjyshja dhe xhaxhai i Austin, të cilët ishin pranë tij, panë sulmin, por nuk mundën të ndërhynin pasi ata vetë u bënë objektiva e bletëve. “Ai po bërtiste, ‘ndihmë, ndihmo’ dhe askush nuk mund ta ndihmonte”, tha gjyshi e tij. “Po përpiqesha të ngjisja shkallët për të arritur tek ai, por nuk munda sepse isha i rrethuar nga bletë”, shtoi ai.
Thuhet se i riu u thumbua më shumë se 20,000 herë dhe gëlltiti rreth 30 bletë.
Mjekët besojnë se Austin Bellamy do të shërohet plotësisht. /tesheshi.com/
