Një regjistrim i një disku të madh akulli, tetë metra në diametër, duke u rrotulluar ngadalë në sipërfaqen e lumit Liao në provincën Liaoning të Kinës, është shpërndarë në mënyrë virale në rrjetet shoqërore brenda një kohe të shkurtër.
Ajo që shkaktoi habinë e shumë njerëzve është se disku rrotullohet në vazhdimësi me një shpejtësi konstante, madje edhe kur në të qëndrojnë pesëmbëdhjetë vetë.
Shumë komentues në rrjetet sociale janë marrë me përgjigjen në pyetjen se si u krijua disku i akullit. Ekspertët duket se kanë një përgjigje për këtë.
Meqenëse kjo nuk është hera e parë që ka ndodhur një gjë e tillë, një ekip fizikantësh në Universitetin e Lieu, bazuar në një shembull më të vjetër, bëri supozimin se “fajtori kryesor” është temperatura e ujit.
Sa më shumë që rritet temperatura, uji bëhet më i dendur. Akulli rreth periferisë së diskut nis të shkrihet, gjë që gradualisht krijon një vorbull që fillon të lëvizë akullin mbi të. Së shpejti akulli fillon të rrotullohet dhe pak a shumë formon një formë rrethore.
Të tilla formacione akullore “misterioze” ndodhin edhe në rajone të tjera të akullta të botës, si në Arktik, Skandinavi, Rusi dhe Kanada.
Disqet e akullit shumë më shpesh janë me diametër më të vogël. Sidoqoftë, disku më i madh i akullt i regjistruar deri më tani kishte një diametër prej 17 metrash. /tesheshi.com/
