Në këtë shkollë të rriturit mësojnë si “të bëhen të rritur”

Shpesherë të rinjtë përkufizohen si të papjekur, të llastuar etj., por ka gjithmonë vend për përmirësim. Po çfarë mund të themi për ata të rritur që sillen si të tillë? Një shkollë në Portland ka hapur disa kurse për t’u mësuar 20-vjeçarëve dhe 30-vjeçarëve si të bëhen të rritur.

Më sa duket, në SHBA “sjellja prej të rrituri” është problem, aq sa American Dialect Society ka futur një neologjizëm në vitin 2015, “adulting”, që ka domethënie të dyfishtë: të sillesh si i rritur, apo të nxitësh dikë të sillet si i rritur.

Adulting School, siç njihet ndryshe, u mëson të rriturve ato gjëra që ata nuk kanë pasur mundësi t’i mësojnë më herët. Në muajin nëntor ka filluar me disa tema të tipit si të menaxhojmë financat tona, si të zhvillojmë karrierën tonë, si të menazhojmë kohën etj. /tesheshi.com/