Edhe ishulli i vogël i Canna-s në Ebridi të Skocisë, për herë të parë pas 50 vitesh, ka njohur se çdo të thotë të vidhesh. Në fakt, në dyqanin e vetëm të ishullit, i cili përgjithësisht vetëm gjatë natës mbyllet me çelës, pronari ka vënë re në mëngjes se mungonin karamele, çokollata, biskota si dhe disa kapele prej leshi të bëra me dorë nga vetë pronari i dyqanit.
Në këtë ishull jetojnë vetëm 20 banorë dhe të gjithë janë të njohur mes tyre. ata kanë ngelur të shokuar nga kjo ngjarje, ndërsa po mendojnë të instalojnë kamera vëzhgimi për të zbuluar se cili është autori i vjedhjes.
Pronarja e dyqanit, Julie Mçabe, është ajo që ka arritur të zbulojë vjedhjen, nga e cila ka ngelur me të vërtetë e tronditur. Dyqani, i cili ndodhet pranë me lokalin, rri hapur ndonjëherë edhe gjatë natës për t’i lejuar peshkatarëve të shfrytëzojnë lidhjen ëi-fi. Për ata që duan të blejnë diçka, në dyqan ndodhet një vazo për të lënë paratë dhe një fletore për të shënuar llojin e blerjes.
Julie po mendon që të instalojë kamera sigurie dhe vëzhgimi, ose të mbyllë përfundimisht me çelës dyqanin e saj gjatë natës./tesheshi.com/
