Kombëtarja shqiptare e futbollit është në pritje të “timonierit” të ri, i cili duhet ta rendisë atë në vendin e tretë në eleminatoret e Botërorit, por edhe duhet ta kualifikojë në Euro 2020.
“Kushti” i vënë nga Federata Shqiptare e Futbollit, për objektivin e europianit, është ndoshta shkak i fortë që trajnerët e kontaktuar, të mos vendosin për të drejtuar përfaqësuesen kuqezi.
Sipas informacioneve nga FSHF, vëmendja është drejtuar nga holandezi Klarens Sedorf, ish-milanisti i famshëm, me të cilin thuhet se ka patur një bisedë konkrete. Sipas informacioneve që dalin “me gjysëm zëri” nga zyrat e institucionit të meanxhimit të futbollit në Shqipëri, Sedorfit nuk i ka pëlqyer kushti i presidentit Armando Duka, për kualifikimin në Euro 2020. Por edhe paga e lartë që pretendon holandezi, e ka ngadalësuar këtë marrëveshje.
E nëse Sedorf nuk do të vendosë pozitivisht, FSHF mendon “t’i dalë borxhit”, një ish-shoku të tij tek Milani, pikërisht Kristian Panuçit. Ish-mbrojtësi i kombëtares italiane, e ka mirëpritur një kontakt të parë nga Tirana.
E nëse mbërrijnë të dyja “No” si përgjigje, mbase “i vërteti” mund të jetë Valter Zenga, një ish-portier i Interit dhe i Italisë, i cili aktualisht është pa skuadër dhe është ofruar edhe pa shumë pretendime të larta pagese.
Në këtë mënyrë, java e ardhshme mund të jetë deçizive për të mësuar kush do ta drejtojë Kombëtaren e Shqipërisë; ose do të jetë deçizive, për t’u dëshmuar drejtuesve të federatës, se trajnimet “me kushte” jo gjithmonë afrojnë personat e duhur. /tesheshi.com/
