Një nuse dhe dhëndër, festa e dasmës së të cilëve përfundoi në tragjedi pasi një zjarr vrau më shumë se 100 të ftuar të tyre, janë të shkatërruar dhe nuk mund të jetojnë më në komunitetin e tyre.
Revan, 27 vjeç dhe nusja Haneen, 18, ndihen “të vdekur brenda” pavarësisht se i mbijetuan zjarrit, i cili filloi brenda një sallë të mbushur plot nga dasma në Qaraqosh, provincën Nineveh në Irakun verior.
Revan tha për Sky News se humbi 15 anëtarë të familjes së tij në zjarr, duke shtuar se nusja “nuk mund të flasë” pasi humbi 10 të afërm, përfshirë nënën dhe vëllain e saj. Në gjendje kritike është edhe babai i saj.
Të paktën 150 persona u plagosën.
“Ne nuk mund të jetojmë më këtu. Dua të them, sa herë që përpiqemi të kemi pak lumturi, na ndodh diçka tragjike dhe e shkatërron lumturinë. Kështu që është më mirë që ne të largohemi”, ka shtuar Revan. Ai shtoi: “Është e vërtetë që ne ulemi këtu përpara jush të gjallë. Por brenda ne jemi të vdekur. Ne jemi të mpirë. Ne jemi të vdekur brenda”.
Dasma e së martës mbrëma kishte rreth 900 të ftuar. Ndërsa raportet fillestare për shkakun e zjarrit ishin fishekzjarrë të nisura për kërcimin e çiftit, Revan beson se zjarri filloi disi në tavan: “Mund të jetë një qark i shkurtër, nuk e di. Por zjarri filloi nga tavani. E ndjemë të nxehtin… Kur dëgjova kërcitjen, shikova në tavan”, tha ai. “Pastaj tavani filloi të shkrihej. U deshën vetëm sekonda”.
Videoja që është shfaqur tregon çiftin duke kërcyer ndërsa copa të zjarrta bien nga tavani.
Could you imagine being at this wedding?
A new video has been released showing the very moment that a fire started at the Iraq wedding this past Thursday in the northern province of Nineveh.
Sadly, over one hundred people lost their lives, and many more suffered injuries after… pic.twitter.com/rThQrTHJAm
— Ed Krassenstein (@EdKrassen) September 28, 2023
Gjatë vallëzimit, siç tha 27-vjeçari, ka pasur ndërprerje të energjisë elektrike dhe kur është kthyer rryma ka “pa zjarr” në tavan. Pikërisht atëherë njerëzit filluan “të bërtisnin dhe të iknin”.
Ai vazhdoi të përshkruante ndihmën ndaj nuses së tij, e cila nuk mund të ecte për shkak të fustanit të nusërisë. “E kapa dhe fillova ta tërhiqja zvarrë dhe të përpiqesha ta nxjerr nga hyrja e kuzhinës. Ndërsa njerëzit largoheshin e shkelnin atë. Këmbët e saj janë të lënduara”.
Revan tha se kishte vetëm një zjarrfikës, i cili “nuk funksionoi”.
New video shows moment fire breaks out at wedding in Iraq, killing at least 114 people. Death toll expected to rise pic.twitter.com/IK0yEZDkEO
— BNO News (@BNONews) September 27, 2023
Çifti i ri nuk mund të mos vajtojë. “Të afërmit tanë, miqtë tanë, të dashurit tanë janë zhdukur të gjithë. Dy ditë më parë ne varrosëm dajën e Haneen dhe dy vajzat e tij. Dje varrosëm dajën tjetër të saj. Sot varrosëm vajzën e tij dhe nënën e saj. Babai i saj është në gjendje kritike”, tha Revan. /tesheshi.com/
