“Në janar do të organizojmë në Trieste një lloj konference për Ballkanin, për të përgatitur një sërë nismash politike”, tha ministri i Jashtëm italian Antonio Tajani.
“Ka shumë tensione mes Kosovës dhe Serbisë, ne po bëjmë gjithçka që mundemi për të mos përkeqësuar situatën. Janë një mijë ushtarë italianë në kufi që garantojnë paqen dhe stabilitetin dhe trajtohen pozitivisht si nga serbët ashtu edhe nga kosovarët”, shtoi Tajani duke folur për rrjetin televiziv Sky Italia.
Në fund, ai shpresoi se do të përshpejtohet përparimi i vendeve të Ballkanit që janë kandidate për anëtarësim në Bashkimin Evropian. /tesheshi.com/
