Carlo Tavecchio nuk do të jetë më president i Federatës Italianë të Futbollit. Pasditen e së hënës, ndërsa ka komunikuar dorëheqjen, ai ka komentuar edhe zgjedhjet e bëra, duke u përpjekur të bëjë engjëllin në “kataklizmonë” që i ndodhi Italisë me mungesën në Botërorin e Rusisë vitin e ardhshëm.
“E dhashë dorëheqjen edhe për t’i dhënë fund një spekullimi pa limite që është bërë në adresën time. Akti im është më shumë politik, e jo sportiv, sepse nuk kam patur asnjë mbështetje nga qeveria, për të mos thënë të kundërtën”- është shprejur Tavecchio, i cili do të qëdrojë në detyrë, të paktën deri në zgjedhjet që do të bëhen në Federatë, brenda 90 ditëve.
Carlo Tavecchio u konsiderua fajtor po aq sa trajneri i dorëhequr i Kombëtares italiane Gian Piero Ventura, për mosarritjen e objektivit të kualifikimit në Botërorin e vitit 2018. Por pasi pranoi dorëheqjen e trajnerit që vuri vetë, u duk se Venturës iu ngarkua e gjithë barra e përgjegjësisë dhe presidenti i Federatës ia hodhi paq.
Në fakt për përzgjdhjen e Venturës, Tavecchio u shpreh se kandidaturën e tij ia kishte propozuar Marcelo Lipi, por ky i fundit e përgënjeshtroi këtë fakt, duke e quajtur gënjeshtar ish-kreun e futbollit në Itali. Gjatë gjithë këtyre ditëve, opinioni sportdashës në Itali ka insistuar në largimin e Tavecchios, duke e quajtur atë fajtor për dramën e pandodhur prej 60 vjetësh. /tesheshi.com/
