Një përdhunim u raporta në Indi çdo 15 minuta në 2018, sipas një raporti të qeverisë.
Këto statistika tregojnë namin e këtij vendi si më i keqi për elementin femër në botë, raportoi Reuters.
Sipas agjencisë britanike, përdhunimi dhe vrasja e një gruaje në një autobus në Neë Delhi në vitin 2012, provokoi protesta nga dhjetëra mijëra në të gjithë Indinë, duke shkaktuar reforma gjyqësore që shpejtojnë gjykimin ndaj përdhunuesve të akuzuar dhe ashpërsojnë dënimet kundër tyre.
Por sidoqoftë, kjo nuk e ka frenuar fenomenin.
Sipas një raporti nga Ministria e Punëve të Brendshme të Indisë, gratë raportuan pothuajse 34,000 përdhunime në 2018, një statistikë e ngjashme në krahasim me të një vit më parë.
Pak më shumë se 85 përqind e çështjeve ishin të paditur dhe vetëm 27 përqind ishin të dënuar.
Grupet e të drejtave të grave thonë se krimet ndaj grave shpesh merren më pak seriozisht dhe po hetohen nga policia së cilës i mungon ndjeshmëria e nevojshme.
“Ky vend ende drejtohet nga burra. Një kryeministre (Indira Gandhi) nuk mund t’i ndryshonte gjërat. Shumica e gjyqtarëve janë burra. Ka shumë pak laboratorë mjekoligjorë në vend dhe nuk ka gjykatës të mjaftueshëm në gjykatat e shpejta”, tha Lalitha Kumaramangalam, një aktiviste e njohur për kauzat e grave.
Përdhunimi i një vajze adoleshente në 2017 nga ish-zyrtar partiak, tërhoqi shumë vëmendjen e mediave kur viktima u përpoq të vriste veten, e kjo pasi akuzoi policinë për mosveprim. /tesheshi.com/
