Në mes të krizës, negociatave të vështira, politikanët në Greqi kanë qenë aq të stresuar saqë disa herë kanë dalë me deklarata ofenduese për fqinjët. Në politikën dhe median greke u fol për të ashtuquajturin “bullgarizim të Greqisë”, më pas u tha se është e pamundur që Rumania dhe Bullgaria të jenë në BE, ndërsa Greqia të dalë jashtë. Rast tjetër ishte ai i trembjes së qytetarëve me nivelin e pensioneve në Ballkan.
Të gjitha këto komente nuk priten mirë në shtetet respektive, edhe pse shumë prej këtyre komenteve reflektojnë mesatarisht mentalitetin e një greku.
Analistët thonë se që këto paragjykime nacionaliste mbështeten nga një qeveri e majtë në Athinë, edhe pse pa vetëdije, ky është një skandal më vete.
Gjithsesi, përkundër një solidariteti që vihet re tek fqinjët e Greqisë me situatën e vështirë të njerëzve në këtë vend, ky solidaritet thonë analistët mbështetet kryesisht në ndenja antieuropiane. Në rrjetet sociale lexon rëndom fraza si:
“Fajin për këtë gjendje e ka burokracia e BE-së dhe bankat, grekët nuk kanë faj, ata që vuajnë janë gjithmonë të vegjlit”.
Ka edhe një qëndrim tjetër ndaj Greqisë, po ashtu i përhapur në rajon. Një përzierje e zemërimit me gëzimin e ligë. Zemërim pasi pensione të tilla për të cilët grekët ankohen, bullgarët e rumunët i marrin edhe sot e kësaj dite, ndërsa vendet e Ballkanit kanë jetuar për shumë vjet me masa të ashpra kursimi.
Diskutimet për krizën greke në opinionin publik të vendeve fqinje nuk mund të përgjithësohen, thotë Deutsche Welle, por ka qëndrime pragmatike, që tingëllojnë gati njësoj, që nga Kroacia deri në Rumani. /tesheshi/
