Kadri Veseli më në fund është “dorëzuar” dhe në ditën e gjashtë të fushatës ka përmendur njeriun që dha gjithçka për çlirimin e vendit, komandatin Adem Jashari.
Këtë e ka bërë në Drenicë, në qytetin e Skenderajt, kur është gjendur përballë bustit të Ademit ku edhe po mbante fjalim para mijëra simpatizantëve.
“Drenica është vendlindja e lirisë, vendlindja e UÇK-së, vendlindja e Komandantit Legjendar Adem Jashari, e njëherësh, vendlindja e PDK-së dhe e Fillimit të Ri. Faleminderit Drenicë, i ke i dhënë shumë lirisë. Gjithë shqiptarët kudo që janë, janë krenarë me ju. Faleminderit Drenicë, i keni dhënë shumë Partisë Demokratike të Kosovës, 17 vite e keni mbajt fuqishëm”, ka thënë Veseli, para drenicasve të cilët i quajti fuqia e partisë. /tesheshi.com/
