Zhytësit që punojnë për një ekip studiuesish në Universitetin Yüzüncü Yil në Turqi, kanë zbuluar një kështjellë të humbur para 3.000 vjetësh në fund të liqenit Van. Muret e kështjellës janë të larta tre ose katër metra dhe mbetjet e saj që janë nën ujë për shekuj, shtrihen në një sipërfaqe prej 1 kilometri.
Ky nuk është zbulimi i parë i bërë nga ky ekip në liqenin Van. Më parë këtë vit, hulumtuesit zbuluan mbetjet e një anijeje ruse që sipas gjitha gjasave është fundosur në vitin 1948, dhe vitin e kaluar gjetën stalagmite në një sipërfaqe prej 2,253 metra katrorë. Në thellësitë më të cekëta ata gjetën artefakte që i përkasin qytetërimeve të hershme. “Ky zbulim na ka motivuar që të vazhdojmë të zbulojmë sekretet e këtij liqeni të vjetër 600-mijëvjeçar. Është një mrekulli gjetja e një kështjelle nën ujë.” Arkeologët do të shqyrtojnë historinë e kështjellës dhe pastaj do të japin informacion rreth saj”, tha kreu i ekipit Tasin Ceylan.
Arkeologët theksojnë se nevojitet më shumë punë për të vërtetuar strukturën e kështjellës dhe për të konfirmuar se kështjella është ndërtuar nga banorët e qytetërimit Urart, e cila njihet edhe si Mbretëria Van. /tesheshi.com/
