Një shkencëtar asutralian ka gjetur mënyrën se si një rrobë të pastrojë veten.
Tekstilet vetëpastruese të zhvilluara në Universitetin e RMIT në Melbourn kanë nevojë vetëm për një rreze drite për t’i hequr qafe lëngjet dhe njollat e ndryshme.
Metoda e zhvilluar është një mënyrë e lirë dhe efikase për të rritur nano-struktura, të cilat, kur ekspozohen në dritë, mund të degradojnë materien organike direkt në tekstile.
Puna e kryer i ka hapur rrugën tekstileve me nano-teknologji të cilat mund të pastrojnë veten, thjesht duke i vënë nën një llambë të ngrohtë ose duke i vendosur në diell.
Nano-strukturat, të cilat njihen për aftësinë që kanë për të thithur dritë, thithin energji, duke krijuar kështu elektrone të nxehta. Këto më pas lëshojnë energji e cila ia mundëson nano-strukturës që të degradojë materien organike, si për shembull salçën e domates.
Këtyre tekstileve u duhen më pak se gjashtë minuta për ta pastruar veten në momentin që ekspozohen në një dritë të ngrohtë. tesheshi.com/
