Koha e humbur për të gjetur vendin se ku e kemi parkuar makinën shpesh mund të jetë e konsiderueshme. Të gjithëve mund të na qëllojë që të zhytur në vrullin e punës, të mos mbajmë mend se ku e kemi parkuar makinën.
Ky problem mund të ndodhë edhe në qendrat e mëdha tregtare me hapësira të mëdha parkimi ku nëse nuk mban mend numrin e vendit, mund të shpenzosh minuta të tëra deri sa të gjesh makinën tënde.
Por edhe për këtë kanë menduar “çunat” e zgjuar të Google. Kështu në versionin Beta të aplikacionit Google Maps ky problem është zgjidhur. Kini parasysh që aplikacioni duhet të jetë përditësuar me versionin e tij më të fundit.
Gjithçka që duhet të bëni është të shtypni pikën blu dhe të zgjidhni opsionin “Ruaj parkimin tënd”. Për momentin ky opsion është i zbatueshëm vetëm për telefonat Android./tesheshi.com/
