Mund të jetë një nga dilemat më të mëdha të jetës së përditshme: vezët t’i ruajmë në frigorifer apo jo? Një përgjigje të saktë ndoshta nuk dimë ta japim, por mund të themi se një pjesë e madhe e jona i mbajnë vezët në frigorifer.
Por, përse në supermarket më së shumti nuk i gjejmë në raftet frigoriferike? Dhe në të vërtetë, një nga shumë ndryshimet mes supermerkateve amerikane dhe atyre evropiane, qëndron edhe në diferencën e vendosjes së vezëve. Në Europë, sikurse ndodh edhe në Shqipëri, vezët ndodhen në raftet e ushqimeve që nuk kanë nevojë të futen në frigorifer.
Në të kundërt, në Shtetet e Bashkuara të Amerikës, është e detyruar me ligj që vezët të ruhen në frigorifer në temperaturë jo më të lartë se 7.2 gradë. Sajti Business Insider shpjegon arsyen pse ndodh ky ndryshim, i cili është i lidhur me infeksionet ushqimore dhe më konkretisht me salmonelozën.
Salmonela, bakteri që shkakton salmonelozën, mund të infektojë vezën në dy mënyra. E para ka të bëjë me infektimin e pulës që depoziton vezët, ndësa e dyta verifikohet kur një vezë e shëndetshme hyn në kontakt me feçet e një pule të infektuar.
Në Europë janë të përhapura të ashtuquajturat ‘terrene ushqyese’, ku zogjtë e vegjël janë të lirë të lëvizin brenda një vendi mjaftueshëm të lirë. Në Shtetet e Bashkuara, janë më të përhapura vendet intensive të ushqyerjes, ku hapësirat janë të reduktuara dhe pulat jetojnë shumë pranë nja-tjetrës.
Në këtë situatë është shumë më e thjeshtë që feçet e një pule të infektuar të përfundojnë mbi vezën e një pule të shëndetshme. Sapo feçet e pulës prekin lëvozhgën, bakteri i salmonelës nis të penetrojë në vezë dhe e infekton atë. Është një proces, i cili në përgjithësi kërkon kohë për tu realizuar. Kjo është arsyeja se pse rritësit amerikanë të pulave kanë vënë si kusht mbajtjen e vezës në temperaturë të caktuar, si një lloj ‘dushi dezinfektues’./tesheshi.com/
