4 adoleshentë kanë gjobitur djalin e ish-deputetit me 26 mijë euro, në të kundërt do t’i publikonin një foto, ku dukej duke pirë lëndë narkotike. Këto kërcënime janë kryer përmes rrjetit social facebook ku katër të rinjë santazhuan djalin e ish-deputetit të Partisë Demokratike, Ibrahim Bruka. I ndodhur nën presion, 17 vjecari u ka dhënë atyre një shumë prej 26 mijë euro, ndërsa që prej janarit të këtij viti ata e kishin kërcënuar 12 herë.
Rogers Ademaj dhe Luan Lama, ndodhen në paraburgim, ndërkohë që dy të tjerët, Ilir Shehu dhe Fatmir Gjeta janë të shpallur në kërkim policor. Nën gjykim është edhe Shkëlqim Spahiu, i cili sipas prokurorisë akuzohet për mos kallëzim krimi. Mësohet se i riu u kishte dhënë bashkëmoshatarëve të tij, disa herë para nga 2500-5000 euro, duke i marrë fshehurazi në shtëpi, deri në momentin kur është zbuluar nga familjarët. Ai u ka treguar situatën në të cilën ndodhet, çka ka bërë që çështja t’i kalojë autoriteteve përkatëse.
Gjobvëniet janë përhapur shumë vitet e fundit, sidomos rastet pas ndarjeve të çifteve. Zakonisht, partnerët meshkuj u bëjnë presion ish-të dashurave të tyre se do të publikojnë foto dhe videove të përbashkëta, në këmbim të gjobvënive të ndryshme./tesheshi.com
